不只從何時開始，媒體都力煲纖體廣告，醜化肥人，美化纖瘦，不管走到那裡都避不開，對於我們此等又窮又胖的人，差點想”引刀成一快”乾脆割掉肥肉！還記得”瘦身男女”，到最後是男也瘦，女也瘦，好像瘦了，就大團圓結局，有車有樓有女有狗．但現實是有人纖到破產，纖到百病緾身，只有各大纖體公司得益，還上市！
過了一段時間，纖體熱過了，緊接的竟然是整容潮！見到海隧入口兩旁，巴士電視，報章雜誌，旅行社，排山倒海的廣告，感到無奈．我好幾年前在過頭見過吳文忻小姐訪問路人，拍攝節目，真人相當俏麗詌美，身形均勻，給我深刻印象．然而早前看過她的面容，漂亮得來像一個barbie，無表情，無人氣，還像個瘋婦一樣大叫：邊個有我咁有勇氣？
我不明白為什麼要整容？外來物質對身體的傷害有多深？平白無事忍痛，貼錢買難受？要承受身心飽受的壓力，副作用，後遺症有多重？以這些來換取花容月貎化算嘛？想來想去，這個怎樣也劃不出等號，跟本是賠了夫人又折兵．
只怕女士們都一時迷惑，抵受不了，真的引刀成一快，之後便後患無窮！
如果大家真的想過整容，請記緊看看以下例子．以他的身家財產都可以弄得如斯地步，你還會想整容嗎？
6 則留言:
冇用架，啲人夠成日話個市就冧啦，咪又係一路驚一路炒。人心，就係咁架喇，真係有幾多人學得識滿足現狀丫。
上星期足痛求醫，大夫說有條「引」(執筆忘字)扭親。如果要快，打枝針入「引」帶就立刻無事，一邊說一邊拿出針筒。我心驚了一驚，立刻問「其實都唔係痛到行唔到，如果要無咁快好呢」，大夫話食d藥，查藥膏law，可能要一段時間…….「咁食藥慢一點就好了」。
因此我很佩服也不理解整容人士，我打針都這麼怕，還要開刀(吳小姐還要局部麻醉的)。另一更恐佈的東西是增高，痛苦萬分，卻有不少高度正常的人去做………這種勇氣相信我這一世都會不明白。順帶一提，現在不單是纖體了，而是「塑身」，彷彿美容師、營養師都成了米高安哲羅，人人都要變成大衛(不雅物品？！)
aulina
人心不足蛇吞象，大部份的人可能都愛冒險．
有人話有危先有機嘛！如果個個都咁安於現狀，咁呢個世界唔會有咁多不公平，唔會有咁先進的科技，唔會有咁嚴重的污染，唔會有國家被侵略，唔會有受苦的兒童．．．世界應該更美．
樂遊．
你的足患康復了嘛？還痛嘛？
呢ｄ針樂真係唔知係救你還是害你，所以你的決定是明智的．
我不怕痛，但係唔係死到臨頭（或生仔）都唔會去睇醫生／入手術室，連激光治近視，彩光美容，我都唔會做．所以我地唔會明白點解ｄ人可以愛靚唔愛命！
Macy多謝關心。
相信沒有甚麼大礙....前天已不怎麼痛,現在無痛了，暗自慶幸無打針。
我深近視(先天過千度)，很久以前一個西醫得知，說現在有激光搞呀，不過遲d先，千祈唔好做第一批白老鼠：出自大夫口中，此原則大概可用於其他醫學技術。我到今天都無搞，那些激光除近視我都是無信心。眼差一點就好了，唔想take會更加差的risk。而且小弟帶眼鏡好過唔帶(有眼鏡，對眼看上去相對有點神)。
別客氣啦，樂遊．
嘩！過千度！我都係500几喳. 咁你無帶眼鏡米咩都睇唔到！？
我有個朋友想做激光，但佢隻眼唔適合做，另一個做左，但原來做完都有小小近視，都係要帶眼鏡；另一個做完，如果太累，就會眼濛．．．況且，都有失敗的例子，所以我唔會博．而且我鍾意帶眼鏡，試過帶隱形眼鏡，覺得好無安全感．
”對眼看上去相對有點神)。 ” 嘻嘻!你雙眼係米好細呢?
發佈留言