2009-11-30

LMF 強勢回歸 新曲<揸緊中指> 網上免費下載

揸緊中指 by LMF
free download

Phat: MICROPHONE CHECK ONE
“的”起耳朵聽真 清晰嘅聲音向你腦袋進軍
一直都知自由係要去捍衛 不惜一切就算我地依然處於弱勢
奸商加狗官最叻係玩拑制 事實擺在眼前就冇“能”玩抹黑矇閉
強勢未倒下 頭顱未被斬下 有法治一日我地依然不怕
廹不得而大懶堂要出嚟申張正義 但係呢首歌嘅內容並冇牽涉到政治
我話你知個世界越係動盪 我地嘅思維就更加要懂得開放COME ON

一二兩隻手指,二! 二就只有自由兩個字
一無所有既鬥士
揸緊中指唔係你想咁易
一二兩隻手指,二! 二就只有自由兩個字
一無所有既鬥士
揸緊中指唔係你想像咁易

MC Yan: 我並唔認同你講既一切一切
  但我會悍衛 即使死不眼閉 並唔認為你所謂既需要克制 
會帶來公平 穩定壓倒一切 唔屈服於錢幣 唔怕照肺 
見權貴一樣照吠 正義係不顧一切
唔怕掲穿虛偽 住濁世繼續警世
唔會感到孤獨 為自由不枉一世
我知道世事無絕對既對與錯
就算我屌你亦無需要對號入座
我憤怒你無需要大驚小怪
亂鳩咁報導唔可以當做表態

一二兩隻手指,二! 二就只有自由兩個字
一無所有既鬥士
揸緊中指唔係你想咁易
一二兩隻手指,二! 二就只有自由兩個字
一無所有既鬥士
揸緊中指唔係你想像咁易

華: 你不要放棄 堅持到尾
自由要接棒 我地要靠晒你地
不管犧牲幾多 揸緊中指我道理
不自由無寧死 妥協 最後 失敗者只會係你
犧牲幾多 揸緊中指我道理

Kit: One 平等 一個 Freedom
不能容忍個世界點解變成咁
鬥爭不齗發生 太多狡猾聲音
為咗自由兩個字太多人無辜犧牲
One 平等. 一個 Freedom
為自由追尋同權力繼續繼續抗衡
不怨天尤人 自由不分富貧
平等自由應該屬於每一個人

一二兩隻手指,二! 二就只有自由兩個字
一無所有既鬥士
揸緊中指唔係你想咁易
一二兩隻手指,二! 二就只有自由兩個字
一無所有既鬥士
揸緊中指唔係你想 像咁易

一一二二兩隻手指,LIBERTY自由兩個字
一無所有所有既鬥士
揸緊中指

(資料來源: http://www.wildlazymf.com/)

2009-11-25

愛上1995年及2004年的戲碼...


Directed by Richard Linklater
Starring Ethan Hawke & Julie Delpy

又有點時空錯亂, 為什麼這兩齣在14年及5年前的上映的電影, 我竟然從來未有見過它的宣傳, 真奇怪!?

緣於一個電台廣播劇, 它提到這齣電影, 它說, 這齣戲很古怪, 明明以浪漫愛情片包裝, 但劇情卻只是兩個人的不斷對談, 沒有荷里活式浪漫經典, 也無太多的攬攬錫錫床上戲.

這引發我的好奇心(也擾攘了兩年才把這兩齣戲一口氣看完), 先看1995年上映的"before sunrise", 戲裡男女主角一開始在火車邂逅, 之後在維也納市內閒逛, 不停的傾談, 直至第二天早上男的要乘飛機回new york, 女的要乘火車回paris. 整齣戲男女主角不停的對談, 遇到一些奇怪的人, 然後吃飯, 接吻, 一夜浪漫, 難捨難離, 約定六個月後再在維也納相見. 連衣服也沒有更換一套, 只是不停地侃侃而談, 內容關於雙方的愛情經歷, 愛情觀, 與父母的關係, 對將來的追求, 兩性等等. 聽來好像相當厭悶, 可是我卻沒有一刻透氣過, 他們的對白真是多得很(背稿應該相當痛苦吧!), 滔滔不絕的卻引發更多的反省及思考. 愛情是否真的只能維持一夜, 在沒有現實的壓迫力下, 愛情才會開出最燦爛的花朵, 日出前便得終結, 在最美麗的一刻掉落? 他她是否真心的愛過對方?


另一齣看似是續集的"before sunset"(片長只得80分鐘), 竟然在9年後拍攝(2004), 男女主角的戲線也同樣在9年後相遇上. 只花了2星期綵排加3星期拍攝完成的'續集', 好像把上一集的故事延續得有點戲劇性又很真實. 戲裡解釋, 男女主角6個月後, 因為女主角的親人去世, 而無法見面. 後來, 男的結了婚, 女的斷斷續續的拍了好幾次拖, 然而心底仍然渴望再遇到他她, 可是竟在9年後才再遇到, 故事同樣在是男女主角不停的在巴黎市內散步閒逛對談, 直至男的要在晚上乘飛機回美國. 對白是圍繞雙方各自在9年內發生的感情, 事業, 不愉快的婚姻與戀情, 生活等等, 男女都成長了, 卻好像更困在死胡同. 比起9年前單純與年青, 雙方都各自受傷, 但又無法面對感情困局, 希望延續, 卻無能為力, 欠缺勇氣, 生怕連最後的一個烏托邦都破滅. 是那完美一夜浪漫毁了他們的愛情觀, 使得無法面對現實的愛情? 還是他們得天獨厚, 遇上100%的他她? 故事結局是個open ending, 讓觀眾自己延續下去...網上有很多人在不同的時間發表回響, 有的說看完, 要更愛男友; 有的說浪漫愛情只該存活於幻想空間內, 對現實在太大的殺傷力; 有的把它看上數十次, 思索愛情與現實的對抗及平衡云云...



Official site:
http://www.warnerbros.es/movies/beforesunset/

看罷"before sunrise" & "before sunset", 我已無法自拔地愛上了! 成了珍藏電影之二.

2009-11-18

愛死寒風的季節

可以穿毛衣, 穿棉襖, 蓋羽絨被的日子, 最舒服. 冷風刮面, 叫人清醒舒泰, 冰冷的手最好由熱烘烘的維他奶玻璃瓶暖和, 冷風下吃火煱, 吃雪糕, 吃炒粟子蕃薯, 窩在被子裡看書, 看電視及上網, 都是冬天的滋味.

2009-11-14

回家路上沒有了我

由公司回家, 巴士上大部份乘客都已入睡, 途中有些人會打鐘下車, 偶有一,二個人在談電話, 我自顧看書, 直到紅磡火車站, 下車上車, 我也在看書, 大部份的乘客都是呆著等待上車下車, 有人在看書, 有人在閉目, 有人在談笑. 下車後, 我走到車站大堂, 看見人潮來又往, 二個女士坐在椅子上, 三個人剛從櫃員機提款並邊走邊把紙幣放入銀包, 一個女士邊走路邊笑著談電話, 二個小販管理隊正阻止炒栗子的小販攞賣, 一群人圍著觀看, 一對溫馨的小情侶在我面前走過, 一位年青人正走進OK便利店, 我一個人走在路上由大街, 走到小巷, 漆黑的天際和微雨細風裡, 一個人緩慢地走著, 一點聲音也沒有發出, 也沒有人注意到我, 好像我不曾在這個時空裡出現過, 我在這裡有與沒有氣息, 都不再重要. 我不再是我.

2009-11-11

饒舌的樓盤名字

越來越多專欄博客批評新一批的樓盤名字古怪饒舌, 叫不出口或難明意思等等. 我接觸的多是較老及較大眾的屋苑, 如: 太古城, 駿景園, 實非尺價6, 7 萬的所謂'豪宅', 所以都好想搜尋一下, 都底2009及2010年落成的樓盤有多怪.

峻弦 Aria [飛鵝山畔] 讀音應是'俊言'吧, 但我想有更多人讀'俊完', 莫非它像"峻嶺上的一條弦綫"? 咁米好牙煙?!

天滙 [半山干德道39號, 33層高, 卻有88樓!!]
阿李生話外國好多樓宇都'跳樓', 係你地香港人大驚小怪, 啋! 我就唔想'跳樓'啦! 無啦啦, 最高層係88樓, 落一層變左68樓喎, 你估講鬼故咩. 天滙同棟樓又有咩關係呢? 我真係聯想唔到喎!!!

皇璧 The Westminster Terrace [汀九] 咦! 將來應該有赤壁, 九龍壁同原壁! :)

富甲半山 [何文田] 呢個名實在太俗氣...我諗起農夫首'富甲天下'!

御龍山 The Palazzo [火炭] 我住係度, 係米要攪到御龍咁大件事? 我怕我唔夠殺氣

銀湖‧天峰 Lake Silver [烏溪沙] 感覺好似好鋒利...怕怕!

懿峯 Seymour [半山西摩道]
'懿'真係好靚...之但係多筆劃又難寫...申請電話綫, 寬頻綫, ICABLE, 電力供應時, 個張form啲格仔綫仔咁細, 實寫唔到上去啦.

名鑄 The Masterpiece [尖沙咀] 當自己係一件藝術品咁賣, 唔怪得咁貴啦. 個設計師係米仲健在呢? sorry!

葡萄薈 La Grande Vineyard [元朗] 睇個名都知係綠草如茵, 親近大自然啦. 但個英文名點讀啫! 係元朗仲有另一個屋苑叫 '葡萄園'架!

Aqua 33 [無中文譯名] [薄扶林] 無中文名其實好煩, 尤其你訂左野, 叫人送貨, 送速遞時...

曉峯 Mount East [北角] 曉峯呢個名用到爛, 全香港應該有7個曉峯x, 曉峯yy

The Icon [無中文譯名, 2010年落成, 半山干德道, 有逾百呎戶外泳池, 而且是空中泳池!!]
都話無中文名好煩咯, icon呢個字其實都好out...但係我好好奇佢個空中泳池係點樣呢...


傲翔灣畔The Sail at Victoria [域多利道]
域多利真係自由最保貴

York Place [莊士敦道] york呢個真字都out啦, 連york牛仔褲都消失左十幾年

形品 Lime Habitat [北角明園西街] 救命!!! 如果有一日你問個朋友住邊, 佢答: "形品", 肯定十個九個都唔知佢講咩, 仲會估: 誠品? 誠懇? 甜品? 良品?

譽‧港灣 the Latitude [東九龍太子道東] 寫自己個地址時係米要加埋個點??

天璽 The Cullinan [柯士甸道西] 勁吖, "天上的玉
璽"吖, 我怕我命賤受唔起吖, 所以都無錢買.

i-home [大角咀, 無中譯名, 我提議"艾空" 或者 "埃胸", 正! ^^]

海峰 Vista [九龍福華街] 海峰都是用到爛的名字吖! 全香港有六個
海峰mud, 同海峰物. vista? 係米要用埋microsoft的window? vista的解釋係 "(從兩排樹木或房屋等中間看出去的)狹長的景色;遠景"(from yahoo)...咁個景觀應該麻麻地!

豪門1期 Le Billionnaire Phase I [九龍城沙浦道] 嫁唔到入豪門的女士們, 儲夠四百三十萬(都係夠買700呎啫)以上都可以住入"豪門".

MOD595 [ 旺角新填地街] 係旺角區, 居然無中文名, 古怪怪咁得啲英文字加數字, 好似password/login咁, 係米high tech啲?! 唯有叫佢 "毛唔x唔", 佢個會所仲叫 '毛級'吖.

戈林 Godi XI [ 沙田嶺路] 有說取自意大利中古別墅Villa Godi之名, 並音譯, 但有人指 "戈" 解 "戰爭", "戈林" 等於 "戰爭之森林", 好像並不適合人們安居樂業噃.

名御 The Brand [元朗] 食字?! 個"御"都係爛名, 已用於38個樓盤.

御濤‧凱濤 Perfetto [青山公路100號] 好多筆劃, 又諗起填申請表...意大利文?? 又點讀? 做咩而家啲樓盤英文名已經唔再係英文?

原築 La Grove [元朗] 則係點? "原汁原味的建築"? 定係"原始築屋"??

以上樓盤資料來源: 中原地產

其他純屬個人吹水, 如果你真係以上樓盤業主, 請多多包涵!

ps
遺忘了一個 名城 [大圍] 地段不錯, 但名字太邈, 好'娘'.

2009-11-10

被...封喉了!

上一個周末忽然喉嚨痛,吃了成藥及喉痛也無效,而且開始混身酸痛無力,流鼻水...心知不妙,連忙跑到中醫求診(因為覺得自己太久未有病過,連西醫也不會幫得了忙).回家喝了藥,便睡死大半天,晚上起來滿身大汗,精神了點,身體也不疼痛了.

吃了兩天藥,今早一起床,便封喉了,未至於失聲,但輕聲多說一句便會咳嗽,所以,今天一整天只是安靜地工作,而且說話的聲調從未如此溫柔過.

想想我真的忘記了沉默是如此美好,不說話更覺寧靜;今天想發脾氣,也只好忍著,原來也是好事;連教孩子做功課,也是以手勢加上筆寫代替說話,孩子反而更認真及用心,真意想不到呢!

2009-11-06

一周年紀(悼)念

上年的十一月過後, 曾經以為是重生了, 但一年後的十一月, 我還未整理好心情與後續, 好像搬屋後埋滿雜物一樣, 屋是搬了, 但該怎執拾好它們呢?!

一年前, 手續辦妥了, 但該怎樣告訴別人呢? 大部份身邊的朋友親友還未知曉, 總不知該把握那個適當時機, 有時還弄得尷尬非常, 當孩子的老師導師稱呼我作"x太"時, 難道我該立即糾正嘛?! 可是, 那句稱呼確是討人厭. 結婚的時候可以廣發喜帖喜訊, 離婚時該怎做? 直至今天知道這個秘密的人還不算多, 因為我和他還得一起工作, 面對員工, 客人, 我可以怎做?!

一年前, 我放棄了一個非常寶貴的東西, 那種傷痛至今難忘, 身心仍未能回復, 既掛念又懊悔!

一年前, 家人幫了我很多很多, 可我又欠了他們更多更多.

一年後的今天, 我點算手頭, 失了去那些那些, 還有些什麼? 原來折騰過後, 身心疲憊, 又回到起點哦! 真是的, 白忙一場.