2011-10-16

No Good! 米攪啦!

日日都忙到甩肺,上星期日忽然有空檔坐底唞唞,同阿爸阿媽阿仔坐定定睇下無線電視,睇到個熟口熟面,但白髮多左好多既阿蘇介紹京都。最近又真係多左朋友去京都玩,舊年聖誕我都諗住同朋友去,點知買唔到機票,真係遺憾 =.=

講番阿蘇,一開場佢係京都個唔知咩塔上面,講講下下風景,忽然話京都好似佢!一樣咁有性格,一樣咁串,堅持樓宇不可大紅大紫,要維持古色古香風貌,OMG,京都好有特色,我明,但用京都比喻你大姐!你讚京都定係讚你自己丫!?有無咁自大吖你。呸!

然後,一路講佢用六百蚊港幣買一把刻左佢個大名既菜刀;介紹炒栗子,又淨係影住佢個大頭,仲要踩香港啲炒栗子用個so call"核凸"紙袋裝住,人地日本呢就用個錦盒裝住,賣四百幾蚊;佢大姐仲要花大嗱嗱六百幾蚊食個栗子下午茶;食住舊日本和牛,大叫"好有牛味";一路講點樣沖茶,又話人地煩,又話自己心急;佢帶住個日本朋友去食天婦羅,有佢講無人講,個朋友做左人肉佈景板,然後講佢點解做左京都咩咩旅遊大使,再長篇大論,講佢大姐幾有愛心去幫日本。。。總之,我睇左一半,心都煩埋,只係覺得如果呢個係旅遊節日,我會覺得京都啲野好Q貴,仲懶高貴,唔去都罷,咁佢都底係幫緊日本,定係幫日本倒緊米吖!

我只係覺得呢個係佢真人騷,自我宣傳兼證明狗口長不出象牙既道理。

7 則留言:

樂遊 說...

太太太好了!我還以為全港市民鐘意呀蘇。
我一向都唔鐘意佢。佢就真係似「爛仔」呀。
四百元(港紙??)栗子和香港街邊比,痴線。如果係香港用四百元買栗子....我估都可以有錦盒。

日本真係所托非人。

the inner space 說...

一向不看這位媽咪的節目,在公司蛇竇一問,原來她之前是做烹飪節目的,再之前是播音的!

京都我去過很多次,夜住在日式旅館,每朝租單車週遊!

DT 說...

Like!

macy 說...

樂遊

我以前都有聽過佢做商台, 不過, 唔係我杯茶, 我知好多人BUY佢, 排隊去俾佢鬧.

"所托非人" 好明顯係啦.

space

"媽咪"! 聽聞佢單身兼lesbian噃.

呵呵~ 你都好鍾意去日本喎. ^^ 無錯無錯, 去旅行最好係融入當地, 體驗風土人情.

DT...你LIKE咩先?!

the inner space 說...

對啊!我去過好多好鄉下的日本小市鎮以前香港人是不會去到的。依家漸漸略有所聞有人自駕遊!

北海道的釧路、厚岸、苫小牧
本州山陰的宍道、出雲、米子、大山
九州的指宿、枕崎、宮崎、櫻島
四國的丸龜、高松
不能盡錄 。。。。。。。。

imak 說...

sorry to say... she is just an old lesbian to me! no discrimination here but just don't see the HK restaurants she introduced so far are any good. so don't bother watching more of her shows!

macy 說...

space

哇哇, 有機會介紹一下. ^^

imak

哈, 我都無歧視噃, 只對事(節目), 不對人.