今天在收音機聽到一宗可怖的新聞, 一名6歲小女孩由小巴下車時,竟被該小巴輾斃!!
現警方懷疑當時女童母親先下車, 而女童下車時, 司機太快關門, 門邊?著女童衣服, 開車時女童被拉倒地上, 然後被後輪輾過頭顱死亡.
真的很可悲, 那個司機當時在做什麼? 發瘋了? 發呆? 還是趕著走多幾轉？
雖然未看明天的新聞紙, 但總知道這明顯不是意外, 是人為疏忽, 包括小巴司機及女孩的媽媽.
平白賠上性命, 相信女孩自己都未趕及知道發生什麼事, 便結束了短暫的一生...
記得我在初中時, 也試過未及下車, 車門開著, 而我站在梯級, 小巴便開車, 我情急下跳車, 當時只是擦傷手腳, 但驚惶失措, 不懂得報警或投訴.
除了亡命的士, 也是有亡命小巴! 大家作為乘客/路人/司機, 真要打醒十二精神哦!
2 則留言:
oD紅 van 司機真係好抵打! 車未停定就 "?" ga 喇!
另, 有一篇關於小巴司機的轉貼文章 (作者不詳), 很絕~
"講開香港公共小巴司機，我覺得真係勁過麥拿倫車隊...............
淨講圈速一定係小巴佬勁，
但講好灣，一定係巴士佬，尤其係渣港島半山，赤柱及海洋公園線果D，
但小巴佬能夠用架小巴做到飄移喎~
據路透社引述，香港小巴佬對秋明 AE86 睇法："86 呀 ? 不外如事!
跑嬴我架 Toyota 小巴先講啦~"
而家有d小巴咪有顯示車速既表係門口隔離，
超速會響個隻，但係次次響到爆都冇人理，
每次一片彎d人就會望住個表，淨係睇住佢響，
好搞笑
大家有冇發現佢地唔止行車快?
上落客都快ga
有時見人夜晚撘Van仔，
司機永無停定比D 客上車，往往要人地自己助跑幾步，
架車開定門駛到埋 o黎果陣就順勢跳上車，
當司機大佬"feel"到你要有其中一隻腳係踏左上車時佢地就即刻地板油去，
而上左車之後亦甚少需要用自己既腳力行去座位，
因為佢一加油時，架車 o既衝力已經將人"fing"到去最近既座位上，
緊緊既將人背隻黐晌椅背上面~
同樣地落客時，D司機永遠唔使拉開門手制，
佢地既車速加上急停已經可以將度車門彈開，
個客就因為急剎既衝力好自然會由車尾被"送"到車門位置，
跟住快手比錢然後跳車，個動作十足十第二次大戰美軍第101空降師，
所以搭得多小巴可以做雷霆傘兵
同埋大家記住，以佢地既"效率"，上車果陣你已經要準備定哎"有落"~
而落斜小巴指定動作就係:
左手推空波，右手扭汰，
真係自己渣都唔敢咁快落斜呀~
仲有而家發覺D小巴成日界 civic，
D小巴佬將架 Toyota Coaster 調較到變左 ----
"Toyota Coaster integra Type R"
civic 咁就收左皮~
但係唔好唔記得：
小巴佬使乜空氣動力學呀?
小巴佬使乜定風翼?
小巴佬使乜大包圍?
小巴佬使乜19吋合金鈴?
小巴佬使乜VTEC?
小巴佬使乜快cam?
小巴佬使乜大尾牙?
小巴佬使乜氣蕉+中至尾喉?
小巴佬使乜防滾架?
小巴佬使乜咬牙避震?
小巴佬使乜米芝蓮?
遇著小巴佬Type-R行埋一二角..............
如果我識寫game，我都會寫返隻"crazy van"， which made in Hong Kong
最後，我建議D小巴全部都要加裝跑車坐椅及五點式安全帶，
一黎可以俾番乘客少少安全感，
二黎可以當係香港特色放係旅遊指南推介，刺激旅遊業。
不過就唔可以係未來迪士尼的路線上實施，因為遊客們乘坐過後，
將會令他們對高速麻木，乘坐過山車時將會冇晒feel~
小巴佬 ，簡直就係香港的冼拿，
真係服到五體投地"
GOOD! 拍案叫絕! 等我forward比人睇先.
?!我以前經常搭通宵van由旺角至大圍,都係10分鐘車程,?陣唔識死,仲覺得好好玩,勁過過山車.
發佈留言