今天早上乘火車到紅磡, 火車上人不算很擠迫, 站我身旁的一名OL, 應該是在早些站上車的, 看見她一手拿眼睫毛液棒, 另一手挾住小鏡及眼睫毛液樽, 在顛簸的火車上塗眼睫毛液, 到旺角車站剛好化完整個妝, 瀟灑下車去. 其實都不是第一次見到這些化妝示範, 之前也見過人在地鐵化全妝, 挾眼睫毛... 真是心服口服, 甘拜下風.
香港人總是分秒必争, 等車, 乘車及等看醫生時, 都會玩PSP, 聽MP3, 看雜誌, 看書本, 抽根煙, 講電話, 看Roadshow TV等. 好像都停不下來. 例如: 乘扶手電梯都要踏步而上/下, 很多外國人都不明白香港人為什麼這麼趕, 連乘扶手電梯的數十秒都要衝衝忙忙. 另外, 每每看見行人危險地衝燈過馬路, 明明亮著紅公仔燈, 都要在車邊閃來閃去, 看見他走到對面馬路時, 也不見得好趕, 總犯不著要冒生命危險吧?!
記得以前到過加拿大Toronto的親人住所寄居, 坐在門前的花園仔, 望著見前的小路及鄰邊屋舍, 整整大半天都無變化, 無人, 無車, 好像望著一幅美麗圖畫一樣, 縱然悠閒自得, 但真叫我納悶非常, 香港人的老毛病又發作了. 到小餐廳買鬆餅時, 又覺得店員動作"異常"緩慢(我認為啦), 讓我等了又等, 總叫我難以忍受.
我想我都是生於香港, 死於於香港的死硬派, 如果要到外國居住, 恐怕我會死得更快.
這令我想起這條瘋狂的片子, 雖然"chi seen", 不過都幾體現香港人的作風.
8 則留言:
!!!!! 終於見到妳 la! 近嚟好 ma?
妳轉咗新版, 但右邊我條 link 變咗怪字, 要入去範本度寫多次就會出番中文 ga 喇~ Thank you! ^^
另, 我反而鐘意加拿大嘅悠閒呢~
http://mmox.blogspot.com/
奇怪! 我試了很多次都無法留言,用ctrl掣又得左...
thanks! 梁兄,等我入去攪攪佢先
呵呵,咁你會唔會去加拿人過埋下半世呢?
有時候真佩服那些女士能夠在乘車時化妝, 最奇妙的是從未見過她們失手。
執輸行頭慘過敗家是香港市民的「總路線」。這條「總路線」必須「年年『趕』，月月『趕』，日日『趕』」無得改。
寧靜
me too. 我真是連在油指甲油都會出界的人...如果我學她們在車上畫,肯定變大花面.
樂遊
係,香港人的劣根性,所以年中好多人俾人呃!
多謝留言吖!
"等我入去攪攪佢先"
唔佳! ^^
"呵呵,咁你會唔會去加拿人過埋下半世呢?"
會! 最好係 Quebec City~
梁巔巔,
oh! i've been to Quebec City once. 給我一個美麗而優雅的感覺...r! 等我俾d相你睇吖.
咁你係米已經入左藉先?
發佈留言