怕接觸陌生人的我, 平常我多乘巴士, 鮮有機會坐地鐵, 今天因為約了朋友, 所以在下班繁忙時間, 不太情願地到地鐵逼了一程. 偶然見到男人拿著手提袋在閘口的八達通接觸位左'熨'右'熨', 久久未能成功入閘...
某瘦削男生在月台, 雙腿紥馬, 然後向前彎腰做出人肉摺疊動作, 直至列車抵站...
在擠迫的車廂內, 我身旁近門口的位置, 站了一名貌似電車男的男子, 他背靠玻璃間隔, 在他的面前站了一位陌生的妙齡女子, 她面向電車男, 但手扶玻璃. 我正暗忖, 男女授受不親, 通常陌生男女都不會這樣近距離面對面站立, 但這女子一直保持這個姿勢, 忽然列車猛地減速, 她就失去平衡撞到電車男身上, 這時, 男的面露超爽的表情, 打從心底泛起微笑, 女的當然立刻'離開'男的身體. 然而最吊恑是, 我從玻璃反射中, 看到女的竟在偷笑, 暗自歡喜!!
啋! 大吉利是咩.
10 則留言:
click 開左個留言，竟然唔識點寫?
xiao zhu
我都知我寫得劣兼無聊...
你寫咩, 我都一樣歡迎! :)
哎呀，我唔係咁嘅意思呀！
睇完就想即刻留言，不過自己都捕捉唔實當時嘅感覺，覺得怪怪地咁。想笑又唔好笑，想慨嘆又好似誇左啲。
不過果一男一女，都幾 absurd feel 囉。
一般眼光都是認為女方蝕底了，
這位電車男都算立心不良，
但女方咁企法，佢都anticipated咗，
在一霎那之間，雙方各得其所罷！
只怪我們這個年紀的，跟當事人有了generation gap！
記得梁巔巔話銅鑼灣有人學外國，
歡迎接受 HUG HUG 擁抱 擁抱！
其中有男有女。
xiao zhu
:) 我明白, 同你玩吓啫.
寫這篇時心裡有另一件沉重的事情, 但又不想寫, 便選擇寫這種無聊事吧.
---
SPACE,
嗯! 人家你情我願, 干卿底事. 是我多事啫.
網上都有人POST條片講FREE HUG, 如果你被我見到, 我都會埋去同佢HUG架. 個種感覺好真誠吖.
Macy 姐：
話雖如此，若我有囝囝都唔畀睇到，
教壞細路，是社會學校家長唔曉教。
你講得好鬼馬～
space
而家年代唔同咯, 阿囝仲細, 我都可以掩著佢對眼, 但係佢都已經係電視接到呢類敏感野, 避無可避, 好像粗口及性一樣, 不可以避, 只可以教. 家長教比老師教重要.
---
JAN
係嘛?! :)
真係好怪……不過掉返轉，可能佢地都覺得我地怪？！
aulina
係啩! 我地米老土怪咯.
發佈留言