話說今午，我與他到公司附近的車仔麵檔午膳，當我們努力吃著滋味的車仔麵時，一對年青男女搭枱，並開始研究餐牌．．．
男: 兩餸麵＋豆漿23蚊
女: 唔係, 19+5米24蚊咯
男: 我請你食啦
女: 得啦, 我俾啦
男: 你又話無錢, 我請你啦
女: 得啦,得啦
男: 得啦,得啦,得啦...(其實, 係食完才付款啫, 洗咩咁早坳定先)
~~~
女叫侍應給她一罐忌廉
男：哦!? 你都鍾意飲忌廉
女: 係吖! 我最媑意飲忌廉
男: 噢! me too ;)
~~~
男: 其實妳都几好吖?
女: 但係無人鍾意呢...
男: 我鍾意你架!! (肯定的語氣)
女: ... (暗喜)
男: 如果你唔係我個'妹', 我一定追妳!!! (加強語氣)
女: ... (害羞地, 小聲地說) 咁米追我咯...
男: 好吖! 我實追到你甩褲架. 你小心d吖
女方笑到非常燦爛又有小小害羞.
之後兩口子甜甜蜜蜜地分享車仔麵, 一段青澀美麗青蔥的愛情正在發芽．．．
同時, 在對話進行中, 可憐的我們極力強忍笑聲, 差點猝死在車仔麵店．．．
17 則留言:
呢對情侶, 有將來呀!
梁巔巔
係...啫...
我地忍笑好辛苦架!
我一出門口,即刻哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈
果對男女有幾年青呀?
我一定用對眼怒目，掘住佢地，叫佢地收爹！
哈哈哈哈哈哈哈哈~~~~~ Space 兄呀 Space 兄, 快啲識番個拍拖啦! ^~
我睇字都有少少笑到想死……
xiao zhu
佢地應該18,19歲左右啦,樣子相當普通,但每個在愛戀裡的人,大都會旁若無人.
_______________
space,
呵呵!睇怕佢地都唔會留意你的怒目咯.
"哈哈哈哈哈哈哈哈~~~~~ Space 兄呀 Space 兄, 快啲識番個拍拖啦! ^~" x 2
小心留意身邊的痴男怨女,可能係梁巔巔黎架 ^_^
_______________
aulina
我當時係低頭食面,但是已經忍唔到笑.啦啦聲食完走.哎!
"小心留意身邊的痴男怨女,可能係梁巔巔黎架 ^_^"
哼~ 我係超高級數地低調暗痴男~
講真的.....我真係覺得既感動又羨慕！！相信只會發生在那個年紀的情節。在那個年紀，與「好朋友」食過很多次飯，有平的有貴一點的，我就是沒有這種勇氣。
「兄妹」相稱，又要「監粗」示愛....好有中學feel。中學時侯不時都有d上星期係兄妹，下星期變情侶的「亂倫案」發生。
哈哈哈哈哈~~~ 笑死我呀!
係呀係呀! oD友仔好興契妹契哥契 _ _ ga!
XDDDDDDD~
梁巔巔
"哼~ 我係超高級數地低調暗痴男~"
哈哈哈...真想見識吓.
________________
樂遊
"相信只會發生在那個年紀的情節。"
年紀小小勇字掛心口.
對吖, 人大了,反而會'怕羞'哦.
小心留意身邊的痴男怨女,可能係梁巔巔黎架 ^_^
大家所見略同，我記得也曾在巔巔處留下，大致相同留言.......大約話 ：
以後在地鐵在街角，見到扭埋一舊個啲癡男怨女，要留意可能是巔巔他們。
嘻嘻！
另 美施姐
你話『我們極力強忍笑聲, 差點猝死在車仔麵店．．．』
” 們“ 是指你和你先生一起？
咁咪好溫馨囉，每個愛情萌芽都有不同之處。
Space 兄: ^~
space,
"以後在地鐵在街角，見到扭埋一舊個啲癡男怨女，要留意可能是巔巔他們。"
哈哈! 我有見過你寫呢句吖! 以後出街要小心留言身的情侶咯.
"” 們“ 是指你和你先生一起？ "
yes.
"咁咪好溫馨囉，每個愛情萌芽都有不同之處。"
一齊食車仔面啫喎...
年輕亙相鍾意,暗戀,但又未正式拍拖,再到忍不住要示愛這個階段是最sweet的...多麼令人懷念啊 ! =P
bikbik
哎...俱往矣...
發佈留言