以前愛看不同的漫畫, 跟哥哥借的玉郎漫畫, 情若無花不結果, 狄克戀曲, 城市獵人, 電影少女, 山T女福星, 亂馬, 天下(也同時閱讀"風雲"), 中華英雄, 龍虎門等.
中五做暑期工時, 就跟同事借怪醫秦博士看, 雖然很喜歡, 但我沒有買, 因為這本書是厚裝, 較其他漫畫貴. 後來讀預科, 常常與男同學互相借閱漫畫, 因為那個時候零用錢不多, 大家只可以選擇買自己最鍾愛的一本, 然後交換來看. 那時連載的有Touch, 幽遊白書, H2, 3x3 EYES, BOY聖子到, SLAM DUNK, 飄流教室, 金田一等, 每次大家交換看, 然後等待下一期, 我們會討論故事人物劇情, 估計下一期劇情如何發展, 而且抄畫漫畫人物.
自己買而又會收藏的只有柴門文的漫畫, 我從來都討厭看少女漫畫, 例如"小甜甜"的那種閃閃眼晴加柔弱眼神, 太可怕! 後來真的會看的少女漫畫只有流星花園, 因為看了大s的電視版本, 好想知道結局, 所以跑到樓下的漫畫店借閱, 怎料我還未看畢, 它便結業了! 現在只需在網上搜尋, 已經可以隨便翻閱, 免費.
後來也技持了本土的歐陽應霽, 麥家碧, 小克, 楊學德...
自問很喜歡漫畫的速食感, 容易閱讀, 消閒一流. 自己愛看的漫畫是故事感較強, 畫功不太完美(初刊的"天下"郤相當高水準, 畫功一流), 畫面豐富的, 不管是偵探, 鬼怪, 怪異, 愛情, 體育都不會錯過. 雖然家長們都很怕孩子看漫畫, 總覺得是浪費時間的無聊活動, 但我們孩童時代的"老夫子", "十三點", "牛仔"都是有趣益智的, 偶看無坊; 可是, 現今的漫畫, 又色情又暴力, 畫面的視覺刺激會帶給孩子很深遠的影響, 難怪家長都寧願一刀切, 禁止漫畫出現在生活中.
4 則留言:
好男仔呀!
本港的 龍虎門，中華英雄，風雲，都不是我杯茶，無真正睇過，一邋落去啲 violence 和 色情畫面，就放下了。
怪醫秦博士，亂馬，龍珠，金田一一，漂流教室，都有看，最愛是 Slam Dunk 男兒當入樽！
至今只收藏這一套在 書架上！
多謝勾起我的回憶!
好男仔口味 (居然鐘意睇城市獵人,據說漫畫中孟波見到索女的 '反應'是很'驚人'的 )
以前都無睇港漫的....反而d同學仔就追不停,上堂就睇風雲
大了,現在才追看龍虎門....幾年前看初期天下的合訂本,....畫功,故事,文字都無得頂....聽說現在爛到不得了
你說的秦博士,金田1,漂流教室,男兒當入樽,都有睇....還有叮噹,龍珠,聖鬥士星矢呀,後來的monster都不錯.森秀樹的墨子攻略和百足戰旗(又名蜈蚣戰略)也是很值得一看再看的(後者只看了幾本,超精彩)
我很久無追看漫畫了,但加治隆介之議是all time favourite.最近弟弟買齊浪客劍心和達伊大冒險都很不俗
我最怕的不是小甜甜....而係足球小將,射粒波射幾集,吹脹
梁巔巔
我不嬲都覺得我係男人心女人身.
----
space
龍虎門, 中華英雄, 風雲等都黎黎去去講埋啲仇殺野, 係几悶架, 但係以前的天下係畫功好睇, 每一頁都畫得好靚.
嘻嘻! 你原來都睇漫畫喎.
客氣!
----
樂遊
可能我只有哥哥, 無姐妹的關係, 所以會"好男仔口味".
以前的天下係好好睇架, 功夫, 兵器, 人物都好創新, 後來無名被人拎番出黎, 仲攪到武功盡失時, 已經唔好睇, 情節重複又重複.
係喎, 漏左叮噹, 龍珠, 聖鬥士星矢, 但係唔係我杯茶.
係米重有漫畫莊子嗰啲無講 :)
我都好耐無買漫畫,墨子攻略我都係係書局打書釘睇.
足球小將, 我淨係睇tvb睇到...一場波播足一個星期都未完, 踢聯賽仲大鑊...
發佈留言