2007-05-04

LUSH


一直好想找一些較天然,環保的護膚品,曾經自製一些用過,好似綠豆粉面膜,旦白面膜,蜜糖牛奶麵粉面膜,橄欖油旦黃護髮,蘆薈面膜,茶籽粉洗頭...天然材料比較味道清新,用後感覺舒服,清爽, 但步驟頗煩繁.

曾找過市面的草本/有機護膚品,卻又貴的嚇人,而且購買不方便,資料又不清楚.

某天在雜誌看到LUSH, 因為它包裝簡單,用料天然,反對用動物做實驗對象,只有部份產品用防腐劑.回家立刻試試使用,感覺也不錯,味道清香, 洗面後不會很乾, 皮膚很清潔, 價錢合理.
之前買過FANCL, SKII等產品很煩, sales姐姐總會搶著問你要什麼, 要介紹什麼給你, 又要你多買一件, 因為有九折, 之後還要你買什麼限量版, 紀念型, 還要入會儲積分...每次總是搖著頭急步離開.

11 則留言:

aulina 說...

又中... 我都有用呀...

macy 說...

oh! =^__^= 咁啱吖! 覺得好用嗎?

aulina 說...

覺得好貴呀,最大果個大仔自選海藻皂,一件都近$90,猛話好用。我就買過gingerbread man俾兩個仔玩bubble bath囉,自己就玩過幾次好似叫乜乜bomb嘅又係bubble bath囉,好香呀,好滑呀,但係好貴...

macy 說...

如果用佢d沐浴產品,又真係好貴,因為平時買一支大樽沐浴露/肥皂都有牌用,我買杏仁粒肥皂,成$45/舊, 都覺得好貴. 但係用潔面,面膜等都ok.

lu 說...

經常經過都覺得太香了,受不了~~~

但macy,用後感覺良好嗎?

樂遊 說...

我都很怕那些專櫃姐姐 / 婆婆。應該是讀預科或大學的時候,頸項常有些瘡或一兩點油脂小粉瘤之類的東西(現在都不時有),一向都少理。有次行經屈臣氏不知甚麼品牌的「專櫃」,有個姐姐走來指住我的頸項說這說那,又話唔搞會怎樣怎樣(講到會變絕症死人般),然後拿出一枝小東西,說一堆道理(即此物擁有ABC和DEF精華,加上甚麼撤哈啦沙溴冰川泉水提煉,內服外用都得,塗完立刻滑滑)。那時唔識野,見枝野細細,就問下價,「我們做緊特價,400元ja」我呆一呆,立刻走人,她還上追過來勁sell。以後見到專櫃都有d陰影。

macy 說...

lu

我又唔覺好勁味, 不過,我d朋友都有講過太香,受不了,所以我放了一舊洗面皂在浴室,會令到個浴室都几香吖.

暫時都覺得好用,洗面皂,磨沙&mask都唔錯,好乾淨.

樂遊

噢!咁啱.我第一次俾'姐姐'捉都係預科時,我仲記得係max factor.
佢:你几多歲?
我:18...
佢:嘩!你18歲都唔用洗面奶,唔怪得你皮膚咁差啦.你要用呢d呢d嗰d嗰d,包你皮光肉滑,都係1千零几啫...
我:...(心想:我一個月零用都無咁多啦!)

"即此物擁有ABC和DEF精華,加上甚麼撤哈啦沙溴冰川泉水提煉,內服外用都得,塗完立刻滑滑"...我諗個個都係講呢d說話!

見到佢地,我都好怕,一係就開口唔停咁踩你,一係就睇你唔起.

試過有次,有個屈臣氏的姐姐捉住我隻手唔放,我好大聲咁叫佢'放手!'

Extraordinary Life 翠斯 說...

MACY,

LUSH 你買了那種產品? 介紹來看看, 我都想八掛下. 成日見到他們一舊一舊放在店內!

macy 說...

tracy

我用過:
* tea tree 爽膏水(几爽,未睇到有咩效果),
* 香草洗面膏(味道清,用後面部皮膚好舒服,很清潔),
* 薄荷清爽面膜(不錯吖,清涼的,用後皮膚清潔),
* 清新潔面皂(有小小沙粒,按摩面部,好舒服,同冬天用最好),
* 海洋水晶磨砂膏(我老公已經愛上它,一粒粒粗海鹽,也很清爽,清潔,好香),
* 娃娃臉卸妝潔面芭(這個用法好奇特,因為用手心熱力滆化,再搽到面上,之後用卸妝棉抺去,我覺得比起fancl/dhc,呢款卸妝力ok),
* 美麗在望潤面霜(清香,清爽,搽完上面好快吸收, 好鍾意,但係要$699/盒),
* 水盈磨砂(好用,有杳粒, 按摩皮膚好舒服,也很清楚,but很快用完),
* 手護天使潤膚芭(味道有點怪,油油的,雖然我喜歡,但身邊人通通認為臭,哎!)

Extraordinary Life 翠斯 說...

華, 多謝... 好詳細同好吸引...

試左話比你聽ar !

好心急試下先....

macy 說...

tracy

嘻嘻! 希望你會鍾意佢d產品,我好buy佢地環保(小d包裝物料), against animal testing & 無/只加入2種防腐劑.