"樓價咁高, 點上車?!"
"你仲咁後生, 仲唔快d搵番個伴, 遲d你想上車都上唔到吖!"
置業和愛情都叫做'上車', 我下了車, 還要不要上車?!
置業的'車', 我還是會上. 但愛情的'車'...可以的話, 還是不上為妙. 稍有一些疑似人物接近, 不管他有心還是無意, 我都盡量暗示明示, 表明立場, 額上寫著'請勿打擾'! 無謂浪費人家時間嘛! 放下了愛情, 讓自己更享受親情和友情, 並且專注自身的感受和需要, 看我喜歡的書, 欣賞我喜歡的戲, 穿我喜歡的衣裳, 和我喜歡的朋友玩樂, 做一些我喜歡的運動. 我覺得更划算! 儘管有人說這是中女的悲哀, 我更認為這是自己的選擇, 至少讓自己快樂, 及至身邊的家人和朋友.
朋友打賭, 我很快就會再次墜入情網. 因為我的過往記錄, 總是一個接一個, 看見一個愛上一個. 可是, 今時不同往日, 愛情也有限額吧! 掏空了, 又不是八達通, 怎增值. 下了車, 就不想再花力氣上車. 這是這刻這時的我的決定.
4 則留言:
走自己喜歡的路是最好的,
每個人都自己選擇生活方式的自由,
就如買唔買樓一樣,
有人千辛萬苦都一定要買,
有人覺得唔買都無問題,
不是人人都要跟隨一定嘅方程式的,
自己過得快活就可以了!
所有事都有佢既安排..唔係神定佛
自然地, 當你到一個時候, 你唔想D 人都會黎架啦~~~
但買樓..唉....排緊隊, 有排都未到我
1.從男的角度而言，樓市上車比愛情上車重要，只要樓市上了車，愛情亦(expected)較易上車。而且，樓市上車數量可能與愛情數量成正比。相反，上了愛情車，上不了樓市車，會比較煩，就如小弟。
2.以前我聽過有人以「出貨」比喻「有仔要」。你可以向友人指出不是上車與否的問題。而係：過去是掛牌上市公司，所以總有策略股東增持減持；現在是上市公司已被大股東私有化了，已除牌。其實，上市公司有上市公司的爛，一般企業亦可幹得譽滿港澳，只是太多人覺得做「上市公司主席」先至係威，有得「出貨入貨」先至係「波」。其實，這些事自有命數，或許有天公司又會有甚麼注資、收購、合併。
新鮮人，大力，樂遊
謝謝你們用心回應我 ;)
新鮮人
每個人都有自己的路, 我同意 "自己過得快活就可以了!"
大力
"自然地, 當你到一個時候, 你唔想D 人都會黎架啦~~~"
就係咁, 我先至怕怕.
同男人唔拍拖, 淨係做朋友, 其實仲開心:)
買樓, 而家好難, 樓價升得太誇張...不過, 儲定錢啦, 儲得黎, 應該買到架啦.
樂遊
的確, 男人有層樓係手, 會煩少一樣.
但又好難兩全其美噃, 錢同女人, 兩者兼得! 要付出雙倍時間和心機.
你的比喻很不錯.
私有化就好啦, 只怕係跌到停牌...
"注資、收購、合併" 吓! 米啦!
發佈留言