2010-05-02

孩子還喜歡McDonald生日會嗎?

今天我和兒子參加了朋友孩子在McDoald舉行的生日會, 在生日會前....
我跟兒子說: 一陣去xx的生日會, 你想唔想去?
兒子說: 去!
我: 咁你會唔會玩生日會的遊戲? (因為他大約5歲時已不願意玩)
兒子: 唔會喎!
我: 點解?
兒子: 我大個仔啦, 我唔會玩呢d bb遊戲架啦!

後來, 在生日會裡, 兒子的確只和其他小朋友玩爆旋陀螺.

---

生日會裡...
McDonald姐姐: 各位小朋友出黎玩遊戲啦.
小朋友甲: 玩埋呢d咁白癡既遊戲, 番屋企好過啦.
McDonald姐姐: ...(尷尬)

---

生日會中...
小朋友乙問旁邊的姨姨: 姨姨, 可唔可以借個手提電話俾我, 我想打電話俾媽咪.
然後個姨姨借左個電話俾佢, 接通後...
小朋友乙對媽咪說: 我真係頂唔順啦, 你幾時黎接我走吖, 好悶吖!

----

派禮物時...
McDonald姐姐: 好啦, 各位小朋友, 邊個想要禮物既, 就出黎排隊啦. 有邊個想要呢?
小朋友丙: 我屋企大把啦!
McDonald姐姐: ...(黑面)

----
打開蛋糕時, McDonald姐姐先要所有孩子圍攏蛋糕枱, 才會打開蛋糕盒. 所有孩子(包括小朋友甲及乙)都好奇地一起圍著枱, 當McDonald姐姐打開蛋糕盒時...
小朋友甲及乙即時同時: 我唓!
McDonald姐姐: ...(燶面)

9 則留言:

新鮮人 說...

或許m記啲遊戲和節目安排有點過時,
(其實我曾來無參加過),
但係啲細路哥咁講嘢真係好無禮貎,
很明顯係無家教,
細路哥係難教,
但教育子女係父母的責任,
很難想像這些"賤口小朋友"大個咗把口和教養有幾差!!

不要為我誇大,
小朋友細個唔教,
大個咗就教唔聽了!

樂遊 說...

真的不清楚這是童言無忌,還是我們太多算計,小時侯,我和身邊的小朋友最多黑面、暗自呻悶、離群自玩,很少會對不滿的事向當時人(特別對方是大人)「表現真我,直斥其非」。其實我一直都有這個問題:我估麥記生日會在七至八十年代應幾受小朋友歡迎,但現在人人手中都有NDS、PSP、wii,even iphone等個人化玩具,那些「豆泥」禮物怎麼會看上眼呢?怎會鐘意參加無聊集體遊戲呢?原來真的看不上眼,哈哈(可以讓你個仔知道,我入大學去o,camp,都18、9歲,居然要同其他三唔識七的同學仔,玩足兩日5歲都唔再玩的集體遊戲,仲要無手機 call老母來接我走,又無美貌姐姐主持,佢就知甚麼叫「幸福唔係必然」。)麥記好似會有成人版生日會的,給一班大唔透、喜懷舊或者垂涎「姐姐」美色(有d真係幾可觀)的大朋友玩的。我見過一兩次一班大人玩,佢地好似仲開心過d小朋友。其實,麥記生日會雖然收費不低,但仍是出手太低:早在我仍是讀中學時,在中環交易廣場的唔知甚麼餐廳,見到有個家長請十多個小朋友食buffet,為其公子 / 千金慶生日,對現在不少小朋友來說,這可能是basic requirement。

macy 說...

新鮮人

我做家長都參加了十多次老mc的生日會, 其實真的很悶(我已經是個不熱愛與同學仔家長聯絡的人吖!).
不能夠與時並進/按人客年歲調節, 是老mc的問題.那些遊戲的確只適合細過4歲的小朋友玩.

無錯, 賤口批評的老人精, 是家教問題.

那些小朋友甲乙丙是朋友的鄰居, 我全都不認識. 老實說, 這種小朋友, 我根本不會邀請, 因為我是個會狠狠地教訓人家孩子的人, 不是很多人能接受我這種態度. 如果你地做家長唔教仔, 我好心幫你兩句, 你仲要反唇的話, 將來受番既係你唔係我.

新鮮人, 你說的對架, 孩子細個唔教, 大個想教都難. 而家小朋友早熟, 幼稚園還可以老點佢, 到了小一已經好有主見.

樂遊, 呢d小朋友其實好戇居, 仲未俾人教訓過啩, 連基本的尊重都不懂, 只會招來禍害. 聰明的小朋友根就不會對別人直斥其非.

而家小朋友開生日會, 仲勁過大人, 除左去酒店buffet, 有d去廸士尼, 請表演, 請人帶玩遊戲, 仲有大蛋糕, 回禮禮物...

新鮮人 說...

小朋友唔喜歡講出黎無問題,
但係啲語氣唔洗咁差吖,
好過其中一個問人借電話叫父母接佢走嗰個對父母嘅語氣都好差,
哩啲死"口靚"仔以為幸福係必然嘅,
掉佢哋返大陸嘅窮鄉辟壤"享受"吓就唔會再咁口賤啦!

(我真係好憎啲口賤自以為大哂嘅老人精,
更憎啲唔識教嘅父母, 佢哋簡直係為社會製造不良嘅下一代)

macy 說...

新鮮人

所以而家好多父母會讓孩子知多一點世界上其他的小朋友是怎生活, 學校也會辦一些到中國山區做義工的活動.

養不教父之過. 雖然現今的小朋友好難教, 但孩子不乖, 父母該先反省. 人的思想越偏離現實, 將來會生活得越辛苦.

Extraordinary Life 翠斯 說...

有無咁串呀...haha

macy 說...

Tracy

真架 ><

nikita 說...

>小朋友丙: 我屋企大把啦!

雖然係串,但肯講事實,好野!

macy 說...

nikita

事實不是很多人能接受.
包裝一下, 會令人無咁難堪.