2008-07-28

夏季夜空


前天, 我凌晨二時回家, 走在寂靜的路上, 抬頭一看, 真是美呆了. 在萬里無雲的深藍夜空, 除了半個月亮掛在偏東的方向, 在頭上還看見了美麗的夏季大三角.
我不是觀星狂熱份子, 可是對星總有感到莫名的吸引, 抬頭仰望它, 使我心清晰; 又像欣賞珍品一樣, 只可遠觀, 不可親近; 它閃爍白亮的光輝, 好像對你眨動眼睛一樣, 觸動心靈.
記得讀中學時, 與哥哥走出屋外空地(當時住的偏遠), 整夜等待, 欣賞月蝕.
中一參加地理學會的觀星營, 與老師同學在西貢某學校球場躺在地上觀星, 漫天的星星, 那個情景至今難忘.
預科時與同學在宿舍偷走到酒吧玩通宵, 累極睡到某公園石櫈時, 靜看天空的星星, 直至天亮.
十多年前在天台與表弟一起看流星雨, 等了四小時, 只看到二粒在某處閃過.
在它眼中, 我也是一樣, 在恆河沙數之中, 渺小如塵.

10 則留言:

Jan 說...

天上每一顆星都會發出自己美麗光芒,大小不重要.

梁巔巔 說...

香港係全世界 "光污染" 最嚴重嘅地方, 想睇星, 難到幾乎冇可能!

梁巔巔 說...

"天上每一顆星都會發出自己美麗光芒,大小不重要."

Yil! 又扮冷靜!

匿名 說...

jan

我明你講既. ^^

---
梁巔巔

要睇星, 睇你有無心架啫!!

macy

匿名 說...

唯一一次睇到流星 meteor,是在意大利的
佛羅倫斯,即是 徐志摩說的“翡冷翠”Firenze,
驚呀得來,沒有記得許個愿望。

macy 說...

space

嗯! 我未去過佛羅倫斯, 但它給我的印象是個很浪漫的地方. 係米架呢?

我覺得向流星許願都几揾笨,跟本快到睇唔切...><

Jan 說...

早幾年既獅子座流星雨我專登帶埋女友夜麻麻半夜一齊行入去萬宜水庫東霸睇下影下流星.雖然自己以前都睇過流星,但係呢一次真係一路睇一路叫到嘩嘩聲.

匿名 說...

macy 姐:

佛羅倫斯 翡冷翠 是歐洲文藝復興的搖籃,
文藝氣氛濃厚有很多數不盡的藝術品觀賞,
但我不是浪漫之人,感受不到浪漫的氣氛,
文藝氣氛就很重!

樂遊 說...

我記得....那年會考放了榜,大家都各自找到「歸宿」後,去了大嶼山渡假屋宿營。
那一夜在天台bbq,有人不知怎地關了燈....頭上原來有一片星空,一片在市區不會看到的星空,很美,印象很深.

這樣的星空似乎只屬於沒有太多燈的郊外,就如宿營只屬於那個年紀的我

macy 說...

jan

"夜麻麻半夜一齊行入去萬宜水庫..."

係米好多人一齊行, 我指其他入去觀星人士, 夜夜好危險喎.

"一路睇一路叫到嘩嘩聲"
噢!

---
space兄

哦~thanks!

---
樂遊


^^我都有類似經歷哦!!放完榜梗要去離島散散心.

係郊外睇一定比城市睇震撼, 因為係致身漆黑一片的空鄺地, 會見到包圍者你的星星係密密麻麻.
宿營露營真係年青時先至會做, 而家梗係米攪啦. 但係放假去離島, 郊外還是可以的.