真令我非常羨慕哦, 旗袍能夠特顯女性的美態, 高貴又古典, 兼有不同的圖案顏色質地, 適合不同場合. 現在只是年初一才可穿一些較有味道的上衣或外套, 既不可太老土，又要不像知客，真的很困難． 我在結婚時也特別訂造了一件紅色繡金線的旗袍, 哥哥結婚時我也穿了一件黃色的, 難得有機會嘛! 如果死時也穿一件就好了．
清朝的旗袍, A字形
20年代受外國文化影響下,手袖改短,下身部份更貼身
20年代的名演員阮玲玉, 多數是半袖, 站立時裙腳到腳面, 斜襟, 貼身的旗袍, 還要穿喱士絲質底裙.
張曼玉在'阮玲玉'一片中的造型, 她穿的旗袍有很不同的圖案, 顏色很素, 恰到好處. 片內所有的旗袍, 我都好喜歡.
花樣年華'的張曼玉, 一樣有數不盡的旗袍，相比'阮玲玉', 顏色與圖案都較鮮艷及新潮, 因為年代, 身份也不同, 我想當年的OL應該不可能如此花枝招展吧.
鄧麗君的旗袍金碧輝煌, 令人一見難忘.
我覺得劉嘉玲穿得很好看, 因為她身型均勻, 穿上旗袍特出了女性的線條美.
民初款式, 趙雅芝穿得很端莊得體.
10 則留言:
！
！！
！！！
！！！！
！！！！！
我很多年前也在荷李活道買了一件四爪金龍袍呢~
可惜，唉，不見了！
另，旗袍，好 "蝦" 人著。
所以，heee, Macy，妳應該好索 ar ha！^~
二佬，你咪到處響我地良家婦女度留埋哂啲咁嘅言先得架！老公見到點解釋呀？？？
不過我都想話，旗袍真係好蝦人著，同埋好難揀，因為真係好易似知客。
所以，我如果買，一定係買上半身那件，最好係藍花白布，跟住著牛仔褲... 襯西裙好難睇。
又，旗袍其實是滿服呢，如果有的話，布少少的唐裝更能顯出女性媚態！
梁巔巔,
"旗袍，好 "蝦" 人著。"
對！你無睇我上一篇"朋友, 您好嗎? ",我已經肥左啦,著唔番件旗袍啦.
而家除左蔡瀾同倪匡,都無咩男人會著唐裝咯.
aulina,
哈哈!多謝你幫我話左梁生喎,佢又係輕佻得滯.
"旗袍真係好蝦人著"
係吖，我阿媽話要有前有後，黃蜂腰，曱甴肚，先至好睇．
哈！我都係有一件藍色暗花唐裝上衫，襯牛仔褲最好睇．而家如果著一件頭長衫出街，人地以為你係傻左，定係拍緊戲．
呵！唐裝更短，仲難著哦．
但係我唔鍾意鞏利，鍾麗媞嗰仲迫爆衫的感覺，好嘔心．
令我諗起以前中學有位老師，好鍾意著旗袍，佢身材都唔錯，著得幾好睇。所以好鍾意見到佢。
我都同意花樣年華裡面，張曼玉啲旗袍靚就靚喇，但係唔入信囉。佢又唔係好有錢，但係就好似fashion show咁。
其實「華服」真的很好著。我最喜歡綿襖。可是全球暖化，很少用得著了。
xia zhu,
哦! 咁你的中學年代應該好久遠咯喎...嘻嘻^_^
'佢又唔係好有錢，但係就好似fashion show咁。'.....米係,做戲咁做.
樂遊,
係哦! 我件綿襖,今年冬天只係著左几次喳. 遲ｄ收埋係博物館啦．
噢~
這樣的傳統服式, 真的很羨慕人家可以著得好看..... 我只有一直留"口水" ~~~
mini,
稀客哦．．．
我都覺得旗袍係歧視肥人．
of cos la ~
都咁係照顧所有人既 ~ 咁好難去發揚我國既服裝精髓 ~~
其實好多時我係返工時候上網, 想寫留言, 但我打中文十分之慢....哈哈 ~
mini,
米啦! 費時你老闆'炸型',現在重要關頭,唔好比佢捉到你痛腳.
發佈留言