2007-08-06

陳輝陽 十二金釵眾生花


新碟試聽

千年后 (Remix) - 李香琴/关淑怡

三千年后 - 李香琴


<三千年後 - 李香琴>
作曲:陳輝陽
文:陳慧
曲:陳輝陽
監製:陳輝陽

再見

唔好怪我第一句就同你講再見
因為我真係專程黎同你道別
我知道我係邊個嫁
不過你唔記得左之
我記得你 你總係笑瞇瞇甘望住我
你唔講嘢 淨係聽我講嘢
嗰陣時個世界好安靜 無而家咁嘈
襯得我特別吱喳 特別開心

我記得你隻手掃過我背脊既感覺
我記得同你去睇影畫戲
你會係響我耳仔邊講嘢
你講得好細聲
其實我一啲都聽唔清楚
不過 我好鍾意聽你甘樣同我講嘢

以後再無人甘樣同過我講嘢

我記得你好鐘意睇日落
睇完日落 就去聽音樂會
我地又成日散步去食宵夜
個陣唔知點解
周不時分唔清究竟係星期幾
日子好似唔會過去
時間都好似係停左落黎
然後 忽然間
就發覺原來已經過左好多年

我記得 好痛
因為你話俾我知你要走

我無再睇過日落
亦都無再同人食宵夜

原來 難過既日子
一樣係好似唔會過去
然後 又係一眨眼
至發覺已經過左好多年

我記得 你同我去過嘅每一個地方
我唔會再去
個啲茶座 舞廳同花園
而家係點 我唔知
個啲地方通通留喺我心裡面

不過 我知道 你唔記得左嘞
唔緊要 我一個人記住就得啦

我點解要走 怪我自己啦
我先兩日 唔知諗緊乜嘢
無端端走咗去睇日落
個日落就同我記得陪住你睇既嗰個一樣
不過 就算我點樣裝出若無其事
我都無辦法唔承認
我失去嘅嘢實在太多

我太傷心 唔走唔得

我要走喇 如果你記得返我係邊個
我知道 你一定會好唔捨得我
仲會好掛住我

再見

8 則留言:

The Inner Space 說...

在車子內聽收音機
有聽說過DJ們談論
李香琴這一獨白環節
我已經很久唔會買CD
多謝分享。


相信女士們聽琴姐的獨白很有感觸!

macy 說...

inner space,

我都係cd聽到這隻歌才走去買cd. 我"好"呢種糾纏不清的感覺, 糾纏三千年, 哀怨, 淒美的女性情感.

實在愛死這首歌,比較2首歌,我較喜歡李香琴獨白較多的一首.好像說故事一樣,引發更多聯想/幻想.

xiao zhu 說...

我都唔係點買CD架,因為好少聽歌,我都係因為呢首歌,唔理性地買左隻碟嘞。^_

macy 說...

xiao zhu,

其實我唔係成日買碟架,都係要睇左好多次,聽左好多次先至會買. 但今次還是衝動了.

minigarden 說...

我喜愛陳慧的文字寫作....平凡但有味道

macy 說...

係喎,我都唔記得左你鍾意陳慧的文字,這首詞,讓我很有畫面...

我曾幻想,她要走,是走去那呢? 她死了仍然很想念他,仍在等他, 所以一直陰魂不散,但忽然想通了,安心離去.
還是,她一直在等他,等到她人老珠黃,等了三千年,還在等,但忽然想通了,安心離去.
還是,她為他死,昏迷了,卻一直在等,死不斷氣,但忽然想通了,安心離去.

minigarden 說...

macy,

^ _ ^

在她的筆下, 係一個又一個平凡的事情, 是其他地方上演中, 不會是任何驚濤駭浪, 讓我感覺是窩心的, 好像自己都會看到, 遇到的....因為我的人生就是那麼平凡不過!

macy 說...

mini,

應該大部份都是平凡的,所以寫平凡事,會有更多人有共鳴. 好似瓊瑤咁死人蹋樓,就得啖笑多咯.